आयल निगममा वीरेन्द्र गोइत बने नायव प्रबन्ध निर्देशक

न्यूजमधेश डेस्क
जनकपुरधाम ,२९ माघ। नेपाल आयल निगम लिमिटेडमा वीरेन्द्र गोइतको बढुवा भएको छ ।

यसअघि निगमको निर्देशक रहेका गोइतको नायब प्रबन्ध निर्देशक पदमा बढुवा भएको हो ।

गोइतसँगै अर्का निर्देशक दीपक बरालको नाम पनि नायब प्रबन्ध निर्देशक पदमा बढुवाका लागि सिफारिस भएको थियो ।

संचालक समितिको बैठकले वरिष्ठताका आधारमा गोइतलाई उक्त पदमा बढुवा गरेको हो ।

आपूर्ति तथा वितरण विभाग प्रमुख रहेका गोइतको योग्यता पुगेको झन्डै दुई वर्ष ढिला गरी बढुवा भएका हुन् । गोइत २७ बर्षदेखि आयल निगममा कार्यरत छन् ।