काठमाडौं : आफू संसद छिर्न सोझा रामसहाय यादवलाई उपराष्ट्रपति बनाएका उपेन्द्र यादवले बारा २ बाट चुनाव लड्ने तयारी गरेका छन् ।
सप्तरी २ बाट सीके राउतसँग नराम्रोसँग चुनाव हारेका उपेन्द्रले जनताको म्यान्डेटलाई अपमान गर्दै चुनाव लड्न लागेका हुन् । मधेश आन्दोलनको नाममा पटक पटक सत्तामा गएर एजेण्डा बिर्सिएका उपेन्द्रलाई सप्तरीका जनताले सबक सिकाएका थिए ।
मधेशी जनतालाई धोका दिएको भन्दै बेमौत हराएका थिए । तर जनताले दण्डित गर्दा पनि उपेन्द्र चेतेनन् । आफूले गरेको गल्तीको समीक्षा गरेनन् । उल्टै सत्ताको नशामा एउटा हार पनि सहन सकेनन् । संसद छिर्न अनेक दाउपेचमा लागेका छन् ।
सप्तरीका जनताबाट दण्डित उपेन्द्र अहिले बारा २ बाट चुनाव लड्ने तयारीमा छन् । सप्तरीका जनताको अपमान गर्दै बारा २ पुगेका छन् । बारा २ का जनताले सादगी नेता रामसहायलाई जिताएका थिए । तर उनी उपराष्ट्रपति बनेपछि सप्तरीका हरुवा उपेन्द्र बारा २ मा आएका छन् । यो जनमतको अपमान भएको बताउँछन् बारा २ निवासी गजेन्द्र यादव । ‘हामीले सादगी नेता रामसहाय यादवलाई मत दिएका हौं । उहाँ उपराष्ट्रपति हुनुभयो ।
रामसहाय यादवको राजनीतिक करियर बरबाद गरेका उपेन्द्रलाई बाराका जनताले हिसाब लिने स्थानीय रमेश यादवले बताए ।
अब बाराकै नेता कार्यकर्ताले टिकट पाउनुपर्छ । बाहिर हारेकालाई यहाँ ल्याएर संसद पठाउने भर्याङ हाम्रो क्षेत्र हुँदैन । बाहिर बाट कोही आए डाँडा कटाउँछौं,’ उनी भन्छन् । राष्ट्रिय राजनीतिमा पनि एउटा चुनावको हार सहन नसक्ने भन्दै उपेन्द्रको चर्को आलोचना भइरहेको छ । यदि उपेन्द्रजस्तै सबै नेताले कहिल्यै नहार्ने र दाउपेच गरेर संसद छिर्ने हो भने लोकतन्त्र र संसदको गरिमा धुलिसात हुने चिन्ता राजनीतिक वृत्तमा छ ।
यता ,बारा -२ का सुनिल यादवले यहाँका स्थानीय नेतालाई हामिले चिताउने भन्नुभयो ,’उहाँले बारा -२ बाहिरबाट हारेर आएका नेतालाई हामि मान्दैनन्,आफ्नै क्षेत्रका धर्तिपुत्रलाई जिताएर पठाउने उनले दाबी गरेका हुन् ।
