काठमाडौं,५ असार । कुख्यात मानव तस्करको नामले चिनिएका नुवाकोटका सुनबहादुर तामाङ ठगी आरोपमा पक्राउ परेका छन्।नुवाकोटको दुप्चेश्वर गाउँपालिका–१ घ्याङफेदी घर भएका ५५ वर्षीय सुनबहादुरलाई प्रहरीले काठमाडौंको माकलबारीबाट पक्राउ गरेको हो।
यसअघि पटकपटक मानव बेचबिखनको आरोपमा पक्राउ पर्दै छुट्दै गरेका पूर्व वडाध्यक्ष समेत रहेका उनलाई काठमाडौं उपत्यका अपराध अनुसन्धान कार्यालयले पक्राउ गरेको हो।
जापान पठाउने भन्दै उनले एक महिलाबाट १२ लाख रुपैयाँ लिएर ठगी गरेको उजुरी परेपछि पक्राउ गरिको हो।पक्राउ परेका सुनबहादुरलाई थप कारबाहीका लागि वैदेशिक रोजगार विभाग ताहाचल पठाइएको छ।
