राजविराज ,२ श्रावण । सप्तरीको कञ्चनरुप-१२ की एक नाबालिगलाई जबर्जस्ती करणी गर्ने चार जनालाई प्रहरीले पक्राउ गरेको छ। पक्राउ पर्नेमा कैलाश पोख्रल, दिपेश सुवेदी, सुदीप भुजेल र मनोज विश्वकर्मा छन्।
उनीहरुले नाबालिगलाई डरधम्की देखाउँदै असार २९ जबरजस्ती करणी गरेको र ३१ गते उक्त घटनाबारे पीडितले आफ्ना अभिभावकलाई बताएकी थिइन्।
उक्त घटनामा संलग्नहरुलाई पक्राउ गरी कानुन बमोजिम कारबाही गरिपाउँ भनी पीडित र अभिभावकले ईप्रका कन्चनपुर सप्तरीमा सोमबार लिखित जाहेरी दिएपछि घटनामा संलग्न सबै जनालाई ईप्रका ठेलियाको टोलीले नियन्त्रणमा लिएको थियो।
उनीहरु विरुद्ध जबर्जस्ती करणी सम्बन्धी कसुरमा अनुसन्धान प्रक्रिया सुरु गरी म्याद थपका लागि सप्तरी जिल्ला अदालततर्फ पठाइएको छ।
