काठमाडौं । जनमत पार्टीबाट निर्वाचित प्रतिनिधि सभा र प्रदेश सभाका सांसदहरूलाई दुई दिने प्रशिक्षण आजदेखि सुरु भएको छ।
काभ्रेपलाञ्चोकका धुलिखेलमा दुई दिने प्रशिक्षण चलिरहेको र अनुशिक्षण ‘मिसन २०८४’मा केन्द्रित रहेको पार्टीका प्रवक्ता शरदसिंह यादवले बताए।
‘सांसदहरूलाई कार्यसम्पादनमा कसरी अब्बल बन्ने? नागरिकका गुनासा सम्बोधन कसरी गर्ने भनेर नै प्रशिक्षण केन्द्रित छ,’ उनले भने, ‘हामीले यसलाई संगठनात्मक अवस्था सुदृढीकरणकै रूपमा लिएका छौं।’
उनले यो प्रशिक्षण सोमबारसम्म चल्ने भएको छ।जसमा प्रतिनिधि सभाका ६ जना र प्रदेशका १५ जना सांसद सहभागी रहेको छ।
आइतबार पार्टीका उपाध्यक्ष तथा अनुशासन विभाग प्रमुख ई. दीपककुमार साहलगायतले प्रशिक्षण दिने कार्यतालिका रहेको छ। प्रशिक्षणलाई पार्टीका अध्यक्ष डा.सीके राउतले पनि सम्बोधन गर्ने कार्यसूची रहेको र यसलाई आगामी निर्वाचनको तयारीसँग जोडिएको प्रवक्ता यादवले बताए।
