जनकपुरधाम ।लोकतान्त्रिक समाजवादी पार्टी(लोसपा)का महासचिव जासर यादवलाई पक्राउ गर्न अदालतले आदेश गरेका छ्न।
जिल्ला अदालत महोत्तरीले जिल्लाको एकडारा गाउँपालिका -४ चकवा बस्ने जिबछ यादवको छोरा लोसपाका महासचिव जासर यादवलाई बैँकङ्ग कसुर बिगो मुद्दामा गत असार १५ गते अदालतले पक्राउ गर्न आदेश दिएका हुन।अदालतले गरेको आदेशपछि असार १९ गते महासचिव यादवलाई पक्राउ गर्न अदालत पत्र जारी गरेको हो।
महासचिव यादवले गाउँघरका सोझासाझा जनतालाई राम्रो कम्पनी र काममा विदेश पठाइदिने प्रलोभनमा पारेर उनले दर्जनौं ब्यक्तिहरुलाई ठगी गरेको आरोप लागेको छ।
ठगिमा परेका पीडितहरुले आफ्नो पैसा फिर्ता गर्नको लागि पटकपटक गुहार गरेपनि महासचिव यादवले पीडितलाई उल्टै झन् पीडित बनाउने कार्य गरिरहेको एक जना पीडितले भने।
यता,महासचिव यादवले आफुले कसैलाई ठगी नगरेको दाबी गरेका छ्न।
