राजविराज ।सप्तरीमा विभिन्न पार्टी परित्याग गर्दै सयौं जनाको संख्यामा नेताकार्यकर्ता जनमत पार्टीमा प्रवेश गरेका छ्न।
बुधबार राजविराजस्थित जिल्ला समन्वय समितिको सभा हलमा आयोजित पार्टी प्रवेश कार्यक्रममा विभिन्न पार्टीका सयौं जना नेताकार्यकर्ताहरु जनमत प्रवेश गरेका हुन।
नवप्रवेशी नेताकार्यकर्ताहरुलाई जनमत पार्टीका राष्ट्रिय अध्यक्ष डा.सीके राउतले फुलमाला र अबिरको टीका लगाएर पार्टीमा स्वागत गरेको हो।
सो कार्यक्रममा राष्ट्रिय योजना आयोगका सदस्य डा.जयकान्त राउत ,मधेश सरकारका शिक्षा तथा समाज कल्याण मन्त्री महेश प्रसाद यादव,श्रम तथा यातायात मन्त्री चन्दन सिंह,अर्थ तथा योजना समितिका सभापति सतिश कुमार सिंह,प्रदेश सांसद रंजु खंग,केन्द्रिय सदस्य मदनेश चौधरीसहितका नेताकार्यकर्ताहरुको उपस्थिति रहेको थियो।
