काठमाडौं । नेपाल सरकारले २९ जना सहसचिवको सरुवा गरेको छ । बुधवार बसेको मन्त्रिपरिषद् बैठकले विभिन्न निकायमा कार्यरत सहसचिवको सरुवा गरेको संघीय मामिला तथा सामान्य प्रशासन मन्त्रालय स्रोतले जानकारी दिएको छ । आज शुक्रबार तिन दिनपछि सरुवाको सूची सार्वजनिक गरिएको हो ।
यो पटकको सरुवामा काठमाण्डु महानगरपालिकाका प्रमुख प्रशासकीय अधिकृत वसन्त अधिकारी पनि फेरिएका छन् । कार्यपालिकाको निर्णय फेरेको विषयमा अधिकारीसँग काठमामाण्डु महानगरपालिकाका प्रमुख बालेन्द्र शाह बालेन रुष्ट रहेका थिए ।
उनलाई मधेशी आयोगको सचिवको जिम्मेवारी दिएर पठाइएको छ । राष्ट्रिय योजना आयोगका सहसचिव प्रदीप परियारलाई काठमाण्डु महानगरपालिका पठाइएको स्रोतले जानकारी दिएको छ ।
