जनकपुरधाम । डा.सीके राउत नेतृत्वको जनमत पार्टीका भातृसंगठन युवा जनमत संघको वीरगन्जमा भेटघाट कार्यक्रम सम्पन्न भएको हो।
युवा जनमत संघ वीरगन्ज महानगरपालिकाका अध्यक्ष संजय सिंहको अध्यक्षतामा शनिबार भएको भेटघाट तथा पार्टी प्रवेश कार्यक्रम संघको केन्द्रिय संयोजक संजय यादवको प्रमुख आतिथ्यमा सम्पन्न भएको हो।
सो भेटघाट तथा पार्टी प्रवेश कार्यक्रममा पार्टीका युवा नेता मनोज साहको पहलमा विभिन्न पार्टी परित्याग गर्दै ६० जना युवाहरुले जनमत पार्टी प्रवेश गरेका हुन।
उक्त कार्यक्रममा सहभागीहरुलाई पूर्व एसएसपी तथा पार्टीका नेता अनुराग द्विवेदीले पार्टी प्रवेश गरेकाहरुलाई स्वागत गर्दै प्रशिक्षणसमेत दिएका थिए ।
