जनकपुरधाम ।धनुषाको कमला नगरपालिकामा विभिन्न पार्टीका एक दर्जनभन्दा बढी नेताकार्यकर्ता जनमत पार्टीमा प्रवेश गरेका छन् ।
आइतबार कमला नगरपालिका-४ सघारामा राखिएको भेटघाट कार्यक्रममा कांग्रेससहित विभिन्न पार्टीका एक दर्जनभन्दा बढी नेताकार्यकर्ताहरु जनमत पार्टी प्रवेश गरेका हुन।
पार्टी प्रवेश गर्नेमा नेपाली कांग्रेसका पुराना नेता किशोरी मण्डल ,परिक्षण मण्डल ,जोगि यादव,भगत लाल मण्डलसहित एक दर्जनभन्दा बढी नेताकार्यकर्ताहरु विभिन्न पार्टी परित्याग गरि जनमत पार्टी प्रवेश गरेको छ।
नवप्रवेशी नेताकार्यकर्ताहरुलाई गैर आवासीय मधेशी संघ अन्तरास्ट्रिय समितिका सल्लाहकार दिनेश साहु,जगतलाल मण्डल र जनमत पार्टी मधेश प्रदेश सदस्य दिपेन्द्र कुमार तेथवारले संयुक्त रुपमा पार्टी प्रवेश गराएको छ।
नवप्रवेशीहरुलाई जनमत पार्टीका नेता दिनेश साहुले मधेशको पहिचान झल्काउने गम्छा ओढाएर पार्टीमा स्वागत गर्दै पार्टीको सदस्यतासमेत प्रदान गरेको छ।
जनमत पार्टीका नेता रामदयाल मुखिया,किशोरी भण्डारीको उपस्थितिमा उनिहरु पार्टी प्रवेश गरे।
