मनोज बनैता ,लाहन।सिरहाबाट कुटपिट ,चोरी र लेनदेन गरि तिनवटै मुद्दामा संग्लन ५ जना फरार अभियुक्तहरुलाई प्रहरीले पक्राउ गरेको छ।
पक्राउ पर्नेहरुमा सिरहाको सिरहा नगरपालिका २ का ६२ वर्षीय धनिकलाल महरा, वडा ९ का ६२ वर्षकै रामचन्द्र गडेरी, वडा १९ का २० वर्षीय ज्ञानचन्द्र मुखिया, वडा ७ का वर्ष २६ का बालकृष्ण मुखिया र वडा ५ की ६० वर्षीया लखिपत देवी साह छन् ।
पक्राउ परेकाहरुमध्ये महरा र मुखिया कुटपिट मुद्दाको फरार प्रतिवादी, गडेरी चोरी मुद्धाको फरार प्रतिवादी, बाल कृष्ण मुखिया र लखिपत देवी साह लेनदेन मुद्दाको फरार प्रतिवादी रहेको जिल्ला प्रहरी कार्यालय सिरहाले बताए ।
सिरहा प्रहरीले विशेष सूचनाको आधारमा लुकिछिपी बसेको अवस्थामा मंगलबार विहान घरबाटै उनीहरुलाई पक्राउ गरेको हो ।
पक्राउ परेका सबैलाई आजै जिल्ला अदालत सिरहामा पेश गरिएको सिरहाका प्रहरी प्रमुख एसपी उमाप्रसाद चतुर्वेदीले जानकारी दिएका हुन।
