जनकपुरधाम। समाजवादी पार्टीका प्रमुख सचेतक तथा संघीय साँसद उमाशंकर अरगरियाले मातृभाषाको संरक्षण गर्नको लागि म संदनमा पनि मधेेेेभाषामै बोलेको धारणा राखेका हुन।
धनुषाको जनकनन्दिनी गाउपालिका ६ कठालमा समाजवादी पार्टीद्धारा आयोजित दिपावली तथा छठ पर्वको शुभकामना अदानप्रदान कार्यक्रमलाई शुक्रबार सम्बोधन गर्दै उनले यस्तो धारणा राखे । उनले भने, ‘मातृभाषाको संरक्षण गर्न म सदनमा पनि मगहिभाषामा बोल्छु । अब अन्तराष्ट्रिय जगतले पनि बुझन् सकुन भनेर ट्रान्सलेटर राख्न आवश्यक छ ।’ धनुषा क्षेत्र नम्बर २ बाट संघीय साँसदमा निर्वाचित अरगरियले आफ्नो क्षेत्रबासीलाई शुभकामना समेत दिए । कार्यक्रममा विशिष्ट अतिथी समाजवादी पार्टी प्रदेश २ का प्रमुख सचेतक तथा प्रदेश सभा सदस्य सांसद शैलेन्द्र यादव, अतिथीमा पार्टीका केन्द्रिय सदस्य अरुण सिंह मण्डललगायतले शुभकामना मन्तव्य राखेका थिए ।
यस्तै कार्यक्रममा कमला नगरपालिकाको अध्यक्ष मनिकलाल यादव, अब्दुल शेख, विजय पासमान, युवा नेता उमेश कुमार यादव, जनकन्दिनी गाउपालिका १ का निर्वाचित वडा अध्यक्ष धर्मेन्द्र गोइत, वडा ६ का वडाध्यक्ष विक्रम यादवले पनि शुभकामना मन्तव्य राखेको थियो ।
समाजवादी पार्टीका जनकनन्दिनी गाउँपालिका धनुषाको अध्यक्ष राधेश्याम यादवको अध्यक्षतामा शुभकामना अदानप्रदान कार्यक्रम सम्पन्न भएको छ ।
