न्यूजमधेश समाचारदाता
सिक्रोन,२० मंसिर।सिरहा जिल्लाको मिर्चैया नगरपालिका १२ स्थित सिक्रोनबाट पिरारी जाने अबरुद्ध रहेको बाटो स्थानीय युवाहरुको पहलमा मंगलबारदेखी सुचारु भएको छ।
स्थानीय सरकारलगायत कुनै पनि निकायले चासो नदेखाएपछि युवाहरुको आर्थिक सहयोगमा सडक मर्मत गरेको स्थानीय युवा अरुन सहनीले जानकारी दिएको छ।
सहनीले भने सिक्रोनबाट पिरारी जाने बाटो विगत ४ महिना भन्दा बढी दिन देखी अबरुद्ध रहेको थियो।उक्त सडक मर्मत गराउनको लागि स्थानीय जनप्रतिनिधिलाई पटकपटक भनेपनि कुनै वास्ता नगरेपछि स्थानीय युवाहरु आ-आफ्नो स्तरबाट आर्थिक सहयोग गरेर सडक मर्मत गराएको छ।
स्थानीयवासीको व्यापारिक केन्द्र महेन्द्रराज मार्ग जोड्ने सबैभन्दा छोटो रुटमा पर्ने उक्त सडकखण्डमा मोटरसाइकलसमेत सञ्चालन नहुनेगरी बिग्रिएपछि मर्मत गराएको छ।
