न्यूजमधेश समाचारदाता
राजविराज, २१ मंसिर । सप्तरीको बादेवर्साइन वडा नं.७ फुलहारा स्थितबाट बेबारिसे अबस्थामा अवैध भन्सार छली चोरी पैठारी सरसमानहरु बरामद गरेको प्रहरीले जनाएको छ ।
ईलाका प्रहरी कार्यालय कडरबोनाको एरिया ईलाका अन्तर्गत जिल्लाको बादेवर्साइन वडा नं.७ फुलहारा स्थितबाट बेबारिसे अबस्थामा अवैध भन्सार छली चोरी पैठारी गरी ल्याईएको समानहरु बरामद बिहिवार गरेको हो ।
ईलाका प्रहरी कार्यालय कडरबोनाको अनुसार टोपी, अण्डर वेयर, लेडिज ज्याकेट, ट्राउजर जम्मा चालिस हजार छ सय , बलाङ्केटको खोल, कुर्ता सुरवाल सेट, लेडिज ज्याकेट, ट्राउजर जम्मा तेईस हजार पाँच सय पचास,मामा श्री रक्सी २२० पिस अं.मुल्य जम्मा चार हजार चार सय र अनार २१० किलो ग्राम जम्मा बयालिस हजार बराबरको सामानहरु फेला पारी बरामद गरेका छ्न ।
यसैगरी उक्त बरामद गरेको समानहरुलाई आवश्यक कारवाहीको लागि राजविराज भन्सार कार्यालय तिलाठी कोईलाडी सप्तरीमा पठाईएको ईलाका प्रहरी कार्यालयले जनाएको छ ।
