मनोज बनैता, लाहान, २ पुस । लहान नगर भित्र रहेको बालबिटोरी र गाउँ ब्लाक नाममा दर्ता रहेको रोक्का जग्गा फुकुवा गराउन दवाव दिदै बालबिटोरी संघर्ष समिति ले बुधबार शान्तिपुर्ण बिरोध जुलुस निकालेको छ ।
जग्गाधनी पुर्जा वितरण भए पनि नेपाल सरकार द्वारा जग्गा रोक्का राखी जनतालाई दु:ख दिने काम मात्र भएको र विगत ६ महिना देखि केहि सरोकारवाला र राजनीतिक व्यक्तिहरु द्वारा भुमिसुधार मन्त्रालय काठमाडौंमा पटक -पटक दवाब दिदा पनि समस्या जस्ताको त्यस्तै रहेको हुनाले बिरोध जुलुस निकालिएको संघर्ष समितिका संयोजक बिजय कुमार गुप्ताले जानकारी दिए ।
बिरोध जुलुसमा बालबिटोरी र गाउँ ब्लकको जग्गा फुकुवा गर , श्रेस्ता कार्यवयन गर, लालपुर्जा कायम गर लगायतका प्लेकार्ड बोक्दै नारावाजी गरिएको छ । लहान ७ स्थित राम मन्दिरको प्राङ्गन बाट निकालिएको बिरोध जुलुस नगर परिक्रमा गरि त्यही ठाउँमा कोणसभामा परिणत भएको थियो । केही दिन अगाडि बालबिटोरी संघर्ष समिति गठन गरिएको थियो ।
गठन गरिएको समितिमा बिजय कुमार गुप्ता सर्वसहमति बाट संयोजक पदमा चयन गरिएको थियो भने उप-संयोजक राम औतार शर्मा सहित रविन्द्र प्रसाद चौधरी,महेश गुप्ता ,दिपक कुमार साह हलुवाई,विकाश शारडा,दिपक अग्रवाल ,उदय साह, विनोद चौधरी , मोहम्मद सरफराज अन्सारी र निरज गुप्तालाई सर्वसहमतले सदस्यमा चयन गरिएको थियो । समितिको सल्लाहकारमा राकेश रोशन गुप्ता, श्याम कुमार गुप्ता,शियाराम गुप्ता ,उमेश साह र विनोद साह लाई राखिएको छ।
यसै बीच संघर्ष समितिले सम्बन्धित निकायहरुमा ज्ञापन-पत्र बुझाउने,मालपोत कार्यलय लहानको लेखापढी व्यवसाय समिति संग छलफल गर्ने ,प्रदेश सभा प्रतिनिधि तथा संघीय सभा प्रतिनिधिहरु संग समन्वय गरि छलफल गर्ने, उपयुक्त अनुसारको समय मिलाई शान्ति पूर्ण दवाव मुलक र्याली गर्ने,प्रत्येक जग्गा धनि संग ५ सय रुपैया सहयोग लिई कार्यक्रम अगाडी बढाउने लगायत विभिन्न निर्णयहरु गरिएको छ।
