न्यूजमधेश समचारदाता
जनकपुरधाम,१२ पुस।महिला तथा बालबालिकाहरुको पहलमा ५४ औं हप्ता सरसफाई कार्यक्रमलाई निरन्तरता दिइएको छ ।
महिला सरसफाई अभियानी रुवि झालगायतको सरसफाई अभियानीहरुको सक्रियतामा साप्ताहिक सरसफाई अन्तर्गत शनिवार जनकपुरको पिडारीचोक
स्थित रहेको गोरधोई पोखरी र पोखरीको वरिपरिलाई सरसफाई गरिएको छ ।
रेलवे ट्रैक सरसफाई अभियानको ५४ औं हप्ता शनिबार पिडारीचोकस्थित गोरधोई पोखरी र पोखरीको वरिपरि सरसफाई गरिएको छ ।
सरसफाई कार्यक्रममा धनुषाका प्रमुख जिल्ला अधिकारी प्रदीपराज कंणेल, धनुषाका सशस्त्र प्रहरी उपरीक्षक राजेश उप्रेती, धनुषा प्रहरी प्रमुख रमेश कुमार बस्नेत , वड़ा नंबर ९ का अध्यक्ष परमेश्वर साह,
कामाख्या परिवार नेपाल अध्यक्ष बिभास लाभ,युवा नेता रमन सिंह,कामाख्या परिवारको सचिब तथा लालगढ़ अस्पतालको सामाजिक आर्थिक पुनर्स्थापना प्रमुख ललिता लाभ,महेंद्र यादव,हीरा अधिकारी,कपिलदेव यादवलगायत सरसफाई अभियानीहरुको उपस्थिति रहेको थियो ।
