मनोज मोरवैता
जनकपुरधाम, २९ पुस ।जनमत पार्टीका संयोजक सिके राउतले विद्यार्थीहरुलाई विश्वासका साथ अगाडी बढ्न निर्देशन दिएका छन ।
सोमवार देखि जनकपुरधाममा सुरु भएको विद्यार्थी जनमत संघको केन्द्रिय वैठक तथा प्रशिक्षण कार्यक्रमको मंगलवार समापन कार्यक्रममा बोल्दै नेता राउतले अगाडी बढनका लागि आफुमा भएको विश्वासलाई मजवुत बनाएर अगाडी बढे सफलता आफै पाइने वताए ।
उनले विद्यार्थीहरुलाई निर्देशन दिदै भने विद्यार्थी नै देशको भविष्य भएकोले शिक्षा आर्जनका साथ साथै देश हाक्ने गुण पनि सिक्नुपर्ने वताए ।आफनो हक र अधिकारका लागि सदैव तत्पर रहने र त्यसका लागि शिक्षा महत्वपुर्ण रहेको बताए।
उनले आफनो संगठन विस्तार गर्नका लागि सवैले आ आफनो तवरबाट पहल गर्न विद्यार्थीहरुलाई आग्रह समेत गरेका थिए ।विद्यार्थी जनमत संघको बसेको दुइदिने बैठकबाट पोषण यादवको संयोजकत्वमा ५१ सदस्यीय केन्द्रिय कार्यसमिति समेत गठन गरिएको छ ।
वैठकमा देशका १५ वटा जिल्लाका विद्यार्थीहरुको उपस्थिती रहेको थियो ।
