न्यूजमधेश समचारदाता
जनकपुरधाम,३माघ।प्रदेश २ मा चालु आर्थिक वर्षको ६ महिना बितिसक्दापनि बजेट खर्चको प्रकृया अगाडी बढेको छैन् ।राष्ट्रिय जनता पार्टी (राजपा) नेपालका केन्द्रिय सदस्य अनिल महासेठले सरकार गतिशून्य अवस्थामा धेरै समय टिक्न नसक्ने टिप्पणी गरेका छन् ।
राजपाले राष्ट्रिय सभा चुनावका लागि संघीय सत्तारुढ दल नेपाल कम्युनिष्ट पार्टी(नेकपा)सित तालमेल गरेपछि प्रदेश २ को सरकारमा ग्रहण लागेको संकेतहरु देखिन थालेका छन् ।नेता महासेठले भने, प्रदेश सरकारले दिन काटिरहेकोछ ।
‘गत वर्षमा उपभोक्ता समितिहरु मर्फत भएको कामको ८७ करोड भुक्तानी बाँकी छ’ उनले भने, सरकारले त्यो रकम दिन सहज छैन्, तर भुक्तानी नभए सरकारले काम अगाडी बढाउन सक्ने अवस्थापनि छैन् ।
राजपा र नेकपाबीच भएको तालमेलको असर प्रदेश २ को सरकारमा पर्ने समाजवादी पार्टीका अध्यक्ष उपेन्द्र यादवलेपनि बताउन थालेका छन् ।
राजपाका नेता महासेठले समाजिक सञ्जालमा लेखेका छन् ‘संघीयताको जननी मधेश हो । त्यसैमध्ये हालको प्रदेश २ सरकारको नेतृत्वकर्ता मुख्यमन्त्री लालबाबु राउतजीसँग त्यो सरकारको लोकसेवा आयोग पास मन्त्रीजीहरु तपाईंहरुको सरकारको दोस्रो वर्षको आठ महिनामा एक रुपैयाँ पनि विकास खर्च गर्न सक्नु भएको छैन ।’
मुख्यमन्त्री लालबाबु राउत र वरिष्ठ मन्त्री जितेन्द्र सोनललाई सचेत गराउँदै उनले अगाडी भनेका छन् , ‘पुरानो वर्षको उपभोक्ताहरुको पैसा त तिर्न सक्नु भएन । अझ पनि समय छ, सिरियस हुनुस्। नत्र कुनै दिन राति सुतेर बिहान हेर्दा संघीयता नि हुँदैन पद नि रहँदैन ।’
