मनोज मोरबैता
सुनसरी , ४ माघ।जनमत पार्टीका केन्द्रिय अध्यक्ष डा. सिके राउतले मधेसको अधिकारका लागि जस्तोसुकै संर्धष गर्न तयार रहेको कुरामा जोड दिएका छन् ।
सुनसरीको इनरुवामा आयोजना गरिएको आमसभालाई शनिवार सम्बोधन गर्दै डा राउतले मधेसीहरुको बलिदानीबाट आएका उपलब्धीलाई संस्थागत गर्नुको सटा मधेसीहरुले मधेसी जनतालाई बेची रहेको आरोप लगाए ।
मधेसको मुक्ति कसरी हुन्छ भनेर तिर नसोची सता र शक्तिमा कसरी पुग्ने अनि पैसा कसरी कामउनेतिर नै बढी ध्यान राजनितिक दलहरुको रहेको आरोप समेत लगाए ।
संविधान संशोधन नगरे सम्म तराई मधेसको जनताले मुक्ति नपाउने उनको कथन रहेको थियो । ७० बर्ष पुरानो पार्टी नेपाली काँग्रेस, तत्कालिन एमाले अहिलेको नेकपा पार्टी डेट स्पाइर मेडिसिन जस्तै रहेको दाबी गर्दै तराई मधेसको समस्या कहिलेपनि समाधान गर्नतिर नलागेको बताए ।
मधेसी जनताको पहिचान कायम गराउन एक मात्र पार्टी जनमत पार्टी रहेको चर्चा गर्दै सहयोग गर्न सबैलाई डा. राउतले आग्रह गरे । मधेसमा अहिले पनि सिचाईको प्रभावकारी सुबिधा नहुनु, खानपानी, बिजुलीबती ,शिक्षा, स्वास्थ्य वाटोघाटो समेतको उचित व्यवस्था राज्यले नगरी मधेसीहरु माथि बिभेद गर्ने गरेको राउतले दावी रहेको थियो ।
