न्यूजमधेश सम्बादाता
जनकपुरधाम,६ माघ।अवैद्य खोला उत्खनन्को बिरोध गर्दा मारिएका धनुषाको मिथिला नगरपालिका ५ श्रीनगरका दिलिप महतोको स्मरण गर्दै आईतबार मिथिला नगरपालिकाको ढल्केबरमा कवी गोष्ठीको आयोजना गरिएको छ ।
कार्यक्रममा कवीहरुले आफ्नो साहित्यिक रचना मार्फत् हत्याको बिरोध, हत्यारालाई कार्वाही र दिलिपलाई पर्यावरण शहीद घोषणा गर्नुपर्ने बताएका छन् ।
पिछ्डा वर्ग समाज (ओबिसी) ले ‘यूवा अभियन्ताको जीन्दगानी खतरामा’ मूल नाराका साथ खुल्ला कवि गोष्ठी आयोजना गरेका हुन् ।
गोष्ठीमा विजय कुमार दास, देबानन्द सिंह, उदय राज यदुवंशी, जानकी शरण कण्ठ, मुरली प्रसाद यादब, जितेन्द्र सिंह लगायतकाले आफ्ना रचनाहरु प््रस्तुत गरेका थिए ।
पिछ्डा वर्ग समाजका केन्द्रीय अध्यक्ष रामकुमार महतोको अध्यक्षतमा गोष्ठीको आयोजना गरिएको थियो ।
मिथिला नपा ५ को श्रीपुरस्थित औरही खोलामा अवैध खोला उत्खन्नको विरोध गर्दै आएका दिलिपलाई क्रसर संचालकहरु मिलेर गत पुस २५ गते हत्या गरेका थिए ।
