न्यूजमधेश सम्बादाता
जनकपुरधाम,१० माघ।मुख्यमन्त्री स्वच्छता अभियानअन्तरगत भइरहेको जानकी मन्दिर सौन्दर्यकरणमा ढिलाई हुँदा स्थानीय व्यवसायी मारमा परेका छन् ।विहिबार नेपाल स्वरोजगार व्यपार श्रमिक संघ जनकपुरधाम नगर कमिटीले विज्ञप्ती जारी गर्दै सौन्दर्यकरणमा ढिलाई हुँदा व्यवसायीहरु मरमा परेको जनाएका छन् ।
वर्षौदेखि जानकी मन्दिर परिसरभित्र फुल, माला, प्रसाद, अबिर, सिन्दुर र चुरी बेच्दै आएका व्यवसायीहरु सौन्दर्यकरणमा सहयोग गर्न पसल हटाएका थिए । तर, महिनौं बितिसके पनि सौन्दर्यकरण सम्पन्न हुने ठेक्केदारले कुनै छाटकाट नदेखाएको कमिटिले विज्ञप्तीमा उल्लेख गरेका छन् ।
गएको पुस २२ गते सोही सम्न्धमा जिल्ला प्रशासन कार्यालय धनुषा र जनकपुरधाम उपमहानगरपालिकालाई पत्र दिँदा वेवास्ता गरेको विज्ञप्तीमा जनाइएको छ । मन्दिर परिसबाट महिनौं पहिले पसल हटाएको र ठेक्केदारले विवाहपञ्चमी पहिले काम सक्ने प्रतिबद्धता गरेपनि काम ढिलाई गरेको जनाइएको छ । व्यवसायीहरुले बाध्य भएर आज माघ १० गतेदेखि पसल पुनः सञ्चालनमा ल्याउने जनाएका छन् ।
