ओम बिक्रम कुशवहा
जनकपुरधाम ,६ फाल्गुण। धनुषाको मिथिला नगरपालिका ढल्केवरमा अपराधमाथि अपराध बढिरहेको छ ।करिव एक महिनादेखि ढल्केवरमा श्रृंखलाबद्ध अपराधिक घटनाहरु हुँदै आएपनि प्रहरी प्रशासन किन अपराधी पक्राउ गर्न चुकिरहेका छन ? स्थानीयहरुको प्रश्न रहेको छ ।
ढल्केवरमा पत्रिका बाँड्ने मिथिला नगरपालिका वडा नम्बर ६ बस्ने ब्रम्हदेव महतोका छोरा १६ वर्षीय विवेक कुमार महतोको शव आफ्नो काकाको आँपको बगैचामा झुण्डिएको अवस्था मंगलबार बिहान साढे ८ बजे फेला परेको छ।
इलाका प्रहरी कार्यालय ढल्केबरका अनुसार विहान ८ बजेसम्म पत्रिका बाँड्दै हिँडेका युवक साढे ८ बजे अचानक झुण्डिएको अवस्थामा भेट्नु रहस्यमय रहेको स्थानीयले बताए ।
ढल्केवरस्थित महेन्द्र माविमा कक्षा १० मा अध्ययनरत विवेकले आत्महत्या होइन्, उनलाई हत्या गर्न लगाइएको पीडित परिवारले दाबी छ ।
युवकले आत्महत्या गरेको हो की आत्महत्या गर्न उत्प्रेरित गरिएको हो,यो अनुसन्धानको विषय देखिएको पीडित परिवारले घटनाको सुक्ष्म अनुसन्धान गर्न माग गरेका छन ।
