न्यूजमधेश सम्बादाता
जनकपुरधाम ,१९ चैत्र। प्रदेश २ सरकारले स्थापना गरेको विश्वव्यापी रुपमा फैलिएको कोरोना भारइस सङ्क्रमण, रोकथाम, नियन्त्रण तथा उपचार कोषमा नेपाल बैंक लिमिटेडले रु पाँच लाखको सहयोग गरेको छ ।
मुख्यमन्त्री लालबाबु राउतलाई आज जनकपुरस्थित बैंकका प्रतिनिधिले रु पाँच लाखको चेक हस्तान्तरण गरेका हुन् । यसअघि सो कोषमा सिद्धार्थ बैंक, कृषि विकास बैंक र सिटिजन्स बैंकलगायत सङ्घसंस्थाले रकम सहयोग गरिसकेका छन् ।
यसैबीच, प्रदेश सरकारले राष्ट्रिय वाणिज्य बैंकको जनकपुर शाखामा कोरोना भारइस सङ्क्रमण, रोकथाम, नियन्त्रण तथा उपचार कोष नामक खाता सञ्चालनमा ल्याएको छ । सो कोषको खाता नं. १२२०५०३०००००१ मा रकम प्रदान गर्न प्रदेश सरकारले आह्वान गरेको छ ।
