कमल कुमार मण्डल
राजविराज ,२ बैशाख । सप्तरीको विभिन्न स्थानिय तहमा मंगलवार भव्यता पुर्वक एकता नाद सफल गरिएको छ ।
कोेरोना भाइरस कोभिड १९ महामारीको विरुद्ध अग्रपंक्तिमा संघर्षरत स्वास्थ्यकर्मी, सुरक्षाकर्मी, सञ्चारकर्मी, सरसफाईकर्मी, समाजसेवी तथा अतिआवश्यक सेवामा खटिनेहरुको सम्मान तथा हौसला बढाउने उदेश्यले सप्तरी सहित विभिन्न ठाउँहरुमा एकता नाद गरिएको छ ।
वैज्ञानिक डा सीके राउको आग्रहमा सप्तरीका १८ ओटै स्थानिय तहमा विहान ७ः०० बजे ७ मिनेटसम्म ताली, थाली, घडी घंट, शंख सिटी, ढोल सहितका सामग्रीहरु बजाएर एकता नाद सफल पारिएको छ ।
यो विषम् परिस्थितिमा हामीले एकताको सन्देश दिन खोजेको कुनै पार्टी विशेषको कार्यक्रम नरहेको सुरेन्द्र मधेशीले बताए ।
