मनोज श्रीवास्तव
कपिलवस्तु, १४ बैशाख । मुस्लिम धर्मावलम्बीहरुको ठूलो एक महिना लामो चाड रमजान शानिबारबाट शुरु भएको छ ।
रमजानको महिनामा मुस्लिम धर्मावलम्बीहरु दिन भरी भोकै उपवास बस्ने गर्छन । मुस्लिम धर्मावलम्बीहरु बिहान सूर्य नउँदाउँदै खाने (सेहरी) र सूर्य अस्ताएपछि सांँझ (इफतर) खाने प्रचलन रहेको मुस्लिम धर्मगुरु बताउछन् ।
नेपालमा कपिलबस्तु जिल्ला दोस्रो सबैभन्दा बढी मुस्लिम बहुल्य क्षेत्र भएको हुनाले रमजानलाई यहाँ बिषेश उल्लासको पर्वको रुपमा मनाइन्छ ।
रामजानको महिनामा मुस्लिमहरुको पवित्र ग्रन्थ कुरानलाई यो दुनियाँमा ल्याएको तौलिहवा मस्जिदका अहले सुन्नतका मौलाना अली हसनले बताउनुभयो ।
मुस्लिम धर्मवालम्बीहरुको लागि यो बिषेश महिना हो । यो महिनामा मुस्लिम धर्मवालम्बीहरु नमाज पढने र पवित्र ग्रन्थ कुरान पढने चलन रहेको मोैलानाले बताए । इस्लामको पाँच पिलर मध्ये रोजा पनि एक पिलर हो ।
यो महिनाको अन्तमा मस्लिम समुदायले आफनो आम्दानीको २.५ प्रतिशत गरीबलाई दान दिने चलन रहेको मौलानले बताए ।
कृष्णनगर नगरपालिका उपप्रमुख शबनम खातुनले सबै मुस्लिम धर्मबालम्बीहरुलाई आ आफनो घरमा बसेर नमाज र कुरान पढ्न, छरछिमेक भएका गरीबहरुलाई सहयोग गर्न, लकडाउनको पूर्ण रुपमा पालन गर्न, मदरसा भित्र कुनै अन्जान ब्यक्ति आएको खण्डमा कपिलबस्तु प्रहरीलाई जानकारी गराउन आग्रह गर्नु भएको छ ।
विश्वमा कोरोना भइरस (कोभिड १९) महामारीको रुपमा लिइरहेको बेला त्यसको असर नेपालमा पनि परेको कारणले गर्दा नेपाल सरकारले बैशाख १५ गतेसम्म लकडाउनको घोषणा गरेको छ ।
लकडाउनमा बेला मस्जिदमा कुनै किसिमको भीडभाड नहोस भनेर तौलिहवा मस्जिदले एक प्रेस बिज्ञप्ती जारी गदै सबैले घरमा नमाज पढन, इफतारको पार्टी नगर्न, रमजानको बेला निकालिएको सदका तथा जकात आ-आफनो छरछिमेक भएका गरीबहरुलाई सहयोग गर्न, लकडाउनको पूर्णरुपमा पालन गर्न, मदरसा भित्र कुनै अन्जान ब्यक्ति आएको खण्डमा कपिलबस्तु प्रहरीलाई जानकारी दिन आग्रह गरेको छ ।
कोरोना भइरस संक्रमण अन्तका लागि सबैले आ-आफनो घरमा बसेर प्रार्थना गर्न पनि मुस्लिम समुदायको अगुवाहरुले आग्रह गरेका छन् ।
