न्यूजमधेश सम्बादाता
जनकपुरधाम,१७ बैशाख । जनकपुरधाम उपमहानगरपालिका १६ मा वितरण गरिएको चामलको नमूना जाँचको लागि पठाइएको छ ।वडा नं. १६ का विपन्न परिवारलाई सोमबार वितरण गरिएको चामल कुहिएको र ढुसी लागेको संचारमाध्यमहरुमा समाचार आएपछि मंगलबार जाँचको लागि पठाइएको हो ।
जनकपुरधाम उपमहानगरपालिकाले मंगलबार पत्रकार सम्मेलन गरी राहत लागि आएको समाग्रीको म्याद र गुणस्तरीय चेकजाँच पश्चात् वितरण कार्य अघि बढाएको दावी गरिएको छ ।समाजिक सञ्जाल फेसबुक र अनलाइनमा समाचार आएपछि जाँचको लागि चामल खाद्य प्रविधि तथा गुण नियन्त्रण कार्यालय, जिल्ला प्रशासन कार्यालयलाई खबर गरेको छौं’ उपमेयर रिता कुमारी मिश्रले भनिन् ।उपमहानगरपालिकाको १२ वटा वडामा ७ हजार ६ सय विपन्न परिवारलाई राहत वितरण गरिएको छ ।
ती मध्ये वडा नं. १६ मा ५ सय ४१ जनालाई राहत वितरण गरिएको हो ।त्याहाँका दुई जना बाहेक अन्य वडाहरुबाट गुनासो आएको छैन, उपमेयर मिश्रले भनिन,उपमहानगरपालिकाले गुणस्तरीय राहत वितरण गरिरहेको छ ।’नगरबासीमा कुनै शंका÷उपशंका नहोस्त्य सैको लागि खाद्य प्रविधि तथा गुण नियन्त्रण कार्यालय र जिल्ला प्रशासन कार्यालयबाट जाँचको लागि प्रतिनिधि बोलाएको हो, उनले थपिन् ।
यता खाद्य प्रविधि तथा गुण नियन्त्रण कार्यालयले चामल र तोरीको तेललाई परीक्षणको लागि प्रयोगशाला पठाउने भएको छ । परीक्षणको परिणाम दुई वा तीनदिनमा आउने सो कार्यालयका कार्यालय प्रमुख विजय खनालले बताए । जाँचको नतिजा आएपछि बाँकी वडाहरुमा राहत वितरण गर्न उनले आग्रह समेत गरे ।
जिल्ला प्रशासन कार्यालयबाट खटिएका प्रतिनिधिले चामल बदलिएको देखिएमा वा बदनाम गर्ने नियतले त्यस्तो गरेको पाइएमा कानून अनुसार कारवाही हुने बताएका छन् । जनकपुरधाम उपमहानगरपालिकाले पहिलो चरणमा १२ वटा वडाका ७ हजार ६ सय परिवारका लागि राहत पठाएको छ ।वडा नम्बर २, ३, ४, ५, ६, , ११, १४,१६, १७, १ र २१ मा राहत पठाइएको हो ।
वडा नम्बर २ मा ३ सय १५, वडा नम्बर ३मा २ सय ७०, वडा नम्बर ४ मा १ हजार २९, वडा नम्बर ५ मा १ सय ४७, वडा नम्बर ६ मा ५ सय ८, वडा नम्बर ८ मा ७ सय ५४,वडा नम्बर ११ मा ५ सय ८९, वडा नम्बर १४ मा ६ सय १५, वडा नम्बर १६ मा ५ सय ४१,वडा नम्बर १७ मा ९ सय ४१, वडा नम्बर १ मा ६ सय १२, वडा नम्बर २१ मा १ हजार २ सय घरपरिवारका लागि राहत पठाइएको उपमहानगरपालिकाले जनाएको छ ।
