न्यूजमधेश सम्बादाता
जलेश्वर,२३ बैशाख । नेपालबाट भारततर्फ जान लागेका ११ जना भारतीयलाई महोत्तरीको सिमावर्ती क्षेत्रबाट सशस्त्र प्रहरीको टोलीले नियन्त्रणमा लिइएको छ ।
लकडाउनको समयमा नेपालबाट भारततर्फ जान लागेका उनीहरुलाई महोत्तरीको मनरा सिस्वा नगरपालिका ९ बथनाहास्थित सिमावर्ती क्षेत्रबाट नियन्त्रणमा लिइएको हो । एकाबिहानै सिमा पार गर्न खोज्दा उनीहरुलाई नियन्त्रणमा लिइएको सशस्त्र प्रहरी उपरीक्षक निरकृष्ण अधिकारीले बताएका छन् ।
नियन्त्रणमा लिइएका सबै भारतको पश्चिम बंगालका हुन् । महोत्तरीको एकडारा गाउँपालिका ५ स्थित कोल्हुवा बगेयामा जस्तापाताका भाँडाकुँडा र ड्रम बनाउने काम गर्दै आएका उनीहरुले खानपिनमा समस्या भएपछि आफ्नो गाउँ फर्किन लागेको बताएका छन् ।
उनीहरुलाई नियन्त्रणमा लिएर काम गरिरहेकै ठाउँमा छाडिएको अधिकारीको भनाई छ ।
