राजेश सक्सेना
जनकपुरधाम ,२२ जेठ ।धनुषाको हँसपुर नगरपालिकामा कोरोना संक्रमण बढिरहेको छ ।तर नगरपालिकाले बेला कोरेन्टाइन संख्या बढाउन नसकेकोले भारत बाट फर्किएकाहरु अलपत्र पर्न थालेका छन् । नगरपालिका भित्र संचालनमा रहेको दुइटा कोरेन्टाइनमा क्षमता भन्दा दोब्बर मानिस थापिएका कारण उक्त कोरेन्टाइन स्थलमा नगर प्रमुख र उप प्रमुखको बिरोध समेत भएको हो ।
हँसपुर नगरपालिका वाडा नम्बर ६ , ९ मा दुई जना ब्यक्ति भारत बाट फर्केका लाई गैरजिम्मेवारी तरिकाले नगरपालिकाका गाडीले गाउँमै अलपत्र छोडदा स्थानीय त्रसित भएको थियो । वाडा ९ का अध्यक्ष नरेश मण्डलले स्थानीय नव ज्योति युवा क्ल्ब र समाज सेबिहरु संग समन्वय गरि रानी माबि मोरहामा रातारात क्वारेनटाइन निर्माण गरेको छ ।
क्वारेनटाइमा बस्ने मानिसहरुलाइ कुनै किसिमको समस्या हुन नदिने र पुर्ण ब्यबस्थित बनाउने स्थानियहरुको भनाइ रहेको छ ।
