न्यूजमधेश डेस्क
जनकपुरधाम, २२ जेठ । विगत ०६२ /०६३ सालमा भएको मधेश विद्रोहमा सहादत दिएको मधेशी सहिदहरुको पहिचानको रुपमा रहेको चौकलाई मर्मत सम्भालको नाउमा तोडफोर गरेको प्रति जनमत पार्टीले खेदप्रकट गरेको छ ।
बिहिबार मधेशी सहिद चौक निर्माण गर्न माग गर्दै नेपालगंज उपमहानगरपालिकाका मेयर डा धवल शमशेर राणालाई जनमत पार्टी बाँकेले ज्ञापनपत्र बुझाएको छ ।
जनमत पार्टीका केन्द्रिय सदस्य मो इरफान शेखले न्यूजमधेश संग कुरा गर्दै भने उक्त ठाउमा कुनै पनि चौक नरहेकोले सो चौकलाई मधेश सहिद चौक निर्माण गर्न जोरदार माग गरेको छ ।
नेता शेखले भने अहिले कोरोना भाइरस जोखिम बाट बचनको लागि सरकारले देशव्यापी रुपमा लकडाउन गरेको छ । तर लकडाउनको मौका छोपी उपमहानगरपालिकाले आफ्नो मनोमानी तरिकाले चौक बनाउने खर्यन्त्र गरेको आरोप समेत लगाएकाे छ ।
उनले सो चौकको नाम मधेश सहिद चौक नराखी अन्य कुनै चौकको नाम राखियो भने हाम्रो पार्टीकाई कदापि स्वकार्य हुदैन र हामि आन्दोलन गर्न बाध्य हुने छौ ।त्यहि भएर समयमै ख्याल गर्न उपमहानगरपालिकालाई ज्ञापनपत्र बुझाएको छ ।
जनमत पार्टीका नेता इरफान अहमद शेषको नेतृत्वमा ज्ञापनपत्र बुझाउन गएकाे टाेलीमा पार्टीका नेता जाबिर हल्वाइ,हरपाल सिंह सिख, रियाज अंसारी, मेराज अंसारी, शैलेन्द्र कर्ण, मुकिम अंसारी, अल्ताफ हुशेन राई लगायतका जिल्लाका प्रमुख नेताहरुको उपस्थिति रहेको थियो ।
