न्यूजमधेश डेस्क
जनकपुरधाम ,२५ जेठ । भारतबाट घर फर्किने क्रममा जटही सिमामै मृत्यु भएको धनुषाको शहीद नगरपालिकाका बिरेन्द्र यादवको परिवारलाई मलेसियाबाट पनि सहयोग गरेको छ।
न्यूजमधेश डट कम र मधेशकर्मी सोलिन्द्र चौधरीको पहलमा नेपाल समाज सहयोग संस्था मलेसियाद्वारा उनको परिवारलाई २५ हजार नगद मृतक यादवको परिवारलाई आईतबार हस्तान्तरण गरिएको छ ।
नेपाल सहयोगी संस्था मलेसियाबाट आफ्नो सामाजलाई सहयोग भावले संस्था विगत कै दिन देखि सहयोग गर्दै आई रहेको छ । ‘हामीहरुको हात तपाईहरु साथ, सेवा नै धर्म हो’ भन्ने लक्ष्य राखेर विगतकै समय देखि दुःखी र पीडित परिवारलाई सहयोग गर्दै आईरहेको नेपाल समाज सहियोग संस्था मलेसियाका अध्यक्ष देव नारायण मण्डलले जानकारी दिए ।
फोटो पत्रकार महासंघ प्रदेश २ का सह-सचिव परिष कुमार कर्ण , न्यूजमधेशको संचालक समितिको सदस्य मधेशकर्मी सिबेन्द्र रोहीता ,रमेश कुमार महरा ,चंद्रश्वर महतो ,शुर्ज यादव र मुकेश महराको उपस्थितिमा रहम हस्तान्तरण गरेको छ ।
यसअघि शनिबार अमेरिकामा बसोबास गर्दै आएका भीम कार्की र शंकर पन्तले रु ३ लाख रकम पठाइसकेका छन् ।
