कमल कुमार मण्डल
राजविराज,११ असार ।जनमत पार्टीका नेता तथा कार्यक्रताहरुद्धारा सप्तरीको विभिन्न स्थानिय तहमा विहिवार ज्ञापन पत्र बुझाइएको छ ।
डा. सिके राउत नेतृत्वको जनमत पार्टीले नागरिकता विधेयकविरुद्ध गत मंगलवार घोषणा गरिएको आन्दोलनलाई निरन्तरता दिदै आज (विहिवार) प्रत्येक स्थानिय तह तथा जिल्ला प्रशासन कार्यालयमा समेत ज्ञापन पत्र बुझाइएको जनमत पार्टीका केन्द्रिय सदस्य सुरेन्द्र मधेशीले बताए ।
नेपाल सरकारद्धारा कोरोना भाइरस (कोभिड-19) को महामारीले बन्दाबन्दी रहेको मौका छोपेर गैर जिम्मेवार, असंवेदलशील र षडयन्त्रकारी प्रवृति देखाउदै राज्य व्यवस्था तथा सुशासन समितिले पारित गरेको नागरिकता ऐन संशोधन विधेयक मधेशी, आदिवासी, जनजाती, दलित, मुस्लिम, अल्पसंख्यक सहितका उत्पिडित वर्गका जनताहरुको हितमा नरहेकोले उक्त विधेयक संसदबाट पास हुने वितिकै कानुन बन्दै र सो कानुन बनिसकेपछि मधेशी, आदिवासी, जनजाती, दलित, मुस्लिम, अल्पसंख्यक सहितका उत्पिडित वर्गहरु अनागरिकको जिवन जिउन बाध्य हुने ज्ञापन पत्रमा उल्लेख गरिएको छ ।
दशकौंदेखि समान अधिारका लागि भएका आन्दोलनहरु त्था ०६२/०६३ सालामा भएको मधेश आन्दोलनको जगमाथि स्थापित नागरिकता सम्बन्धि अधिकारलाई खोस्ने र मधेशी, आदिवासी, जनजाती, दलित, मुस्लिम, अल्पसंख्यकसहितका उत्पिडित वर्गलाई अनागरिक बनाउने लक्षित रहेको बताउदै, उक्त कार्य तत्काल रोक्न जनमत पार्टीले सम्बन्धित निकायलाई आग्रह गरेका छन् । उक्त कार्य नरोकि पार्टी कठोर भन्दा कठोर आन्दोलन गर्ने बाध्य हुने पत्रमा जनाइएको छ ।
