न्यूजमधेश डेस्क
जनकपुरधाम ,१६ असार ।विदेशी महिला संग विवाह गरेर नेपाल आउने महिलालाई ७ बर्षपछि अंगीकृत नागरिकता दिने विधेयकको विरुद्धमा डा.सीके राउत नेतृत्वको जनमत पार्टीले मंगलबार मधेशभारी घर घरमा कालो झण्डा गाडेर विरोध गरेको छ ।
संघीय संसदको प्रतिनिधिसभामा छलफलमा रहेको नागरिकता विधेयक मधेशी विरुद्ध रहेको भन्दै जनमत पार्टीले आन्दोलनको कार्यक्रम असार ७ गते घोषणा गरेको थियो ।
त्यसै आन्दोलनको कार्यक्रम अनुसार मंगलबार १० औं घर घरमा कालो झण्डा गाडेर विरोध गरेको छ । पुर्व घोषित कार्यक्रम अनुसार मंगलबार मधेशका विभिन्न जिल्लामा विभिन्न स्थानमा कालो झण्डा गाडिएको छ ।
सोही कार्यक्रम अनुसार बुधबार सम्पूर्ण जिल्लामा सिटी जुलुस प्रदर्शन गर्ने तयारी गरिएको छ । यसैगरी विहीबार भैंसी जुलुस र शुक्रबार विधेयक जलाउने तथा शनिबार थप कार्यक्रम घोषणा गर्ने जनमत पार्टी केन्द्रीय सदस्य संत्यनारायण मण्डलले बताएको छ ।
मधेशका विभिन्न जिल्लामा विभिन्न स्थानमा कालो झण्डाको केहि दृश्यहरु
