मनोज बनैता
सिरहा, ३१ श्रावण । नेपाल राष्ट्रिय दलित समाज कल्याण संघ तथा मनकामना ड्राईभिङ्ग सेन्टर लाहानको सहयोग तथा संयोजनमा दलित समुदायका ५ जनालाई निशुल्क ड्राईभिङ्ग तालिम दिएको छ ।
स्वरोजगारलाई बढावा दिने लक्ष्यको साथ शुरु गरिएको उक्त शिप मुलक तालिममा ईटहर्वा ५ का संजीव सदाय, सखुवानन्कारकट्टी ५ का जित नारायण पासवान, ईटहर्वा २ का बद्री नारायण पासवान, ईटहर्वा ६ का राजाराम पासवान र ईटहर्वा २का योगेन्द्र कुमार पासवान रहेका छन ।
उक्त शिपमुलक तालिमका सहभागीहरुले वैदेशिक रोजगारीलाई चुनौती दिन आफुहरुले ड्राईभिङ्ग सिकेको भन्दै सहयोगी हाथहरुलाई धन्यवाद ज्ञापन समेत गरेका छन । ड्राईभिङ्ग सीप सिकेर आत्मनिर्भरता तथा स्वरोजगारको अवसर प्राप्त हुने मनकामना ड्राईभिङ्ग सेन्टरका संचालक दिलिप दासले जनाए । असारमा शुरुभएको एक महिने तालिम श्रावण २६ गते सम्पन्न भएको जानकारी पनि दासले दिएका छन ।
