न्यूजमधेश डेस्क
सप्तरी ,१० भदौ । एक महिनाअघि आएको बाढीले धान खेतीमा ठूलै क्षति पु¥याएको सप्तरीमा अहिले धान खेतीमा गवारो रोगको प्रकोप फैलिएपछि किसानहरु चिन्तित बनेका छन् ।
जिल्लाका सर्वाधिक धान खेती हुने पाँच स्थानिय तहमा गवारो रोगको प्रकोप फैलिएपछि किसानहरु थप चिन्तित बनेका हुन् ।
जिल्लाको तिलाठी कोइलाडी गाउँपालिका, विष्णुपुर गाउँपालिका, बालन बिहुल गाउँपालिका, खडक गाउँपालिका, हनुमाननगर कंकालिनी नगरपालिकालगायतका क्षेत्रमा रहेका धानखेतीमा अहिले गवारो रोगको प्रकोप बढी देखिएको छ ।
तिलाठी कोइलाडी गाउँपालिकाका अध्यक्ष सतिश सिंहले धानबालीमा गवारो रोगको प्रकोपले ६० देखी ६५ प्रतिशत क्षति पु¥याएकोबताए ।
प्रकोप नियन्त्रणका लागि तथा किसानहरुलाई राहत प्रदान गर्न गाउँपालिकाको साधानश्रोतले भ्याएसम्म पहल गरिरहेको बताएका उनले रोग नियन्त्रणका लागि प्रदेश र संघीय सरकारलाई पनि सहयोगका लागि आग्रह गरेको बताए ।
बाढी र कोरोनाको कहरबाट उन्मूक्ति नपाउँदै धान खेतीमा देखिएको गवारो रोगको प्रकोपले आफुहरु थप मारमा परेको कृषक श्यामकुमार मण्डलको भनाई छ । यस्तै गुनासो अन्य कृषकहरुले पनि गरेका छन् । उनीहरुले गवारो रोग रोकथाम र नियन्त्रणका लागि आवश्यक सहयोग गरिदिन स्थानिय, प्रदेश र संघीय सरकारसँग आग्रह समेत गरेका छन् । धानबालीमा किराको प्रकोपले खेतमै धान सुक्न थालेको पीडित किसानहरुको भनाई छ ।
खेतमा असन्तुलन, गुणस्तरीय रसायनिक मलको अभाव तथाप्रतिकुल वातावरणका कारण धानबालीमा किराको प्रकोप बढेको कृषि विज्ञहरुको भनाई छ । कृषि ज्ञान केन्द्र राजविराजका कृषि विज्ञ राजेन्द्र प्रसाद यादवले पुतली जातको गवारो धानको ढाड नै काट्ने गर्दा सुक्ने गरेको पाइएको बताए । उनले खेतमा प्रयोग गरिने रसायनिक मल,डिपिए, युरिया, पोटास लगायतको मात्रा नमिल्दा पनि बालीको जरो कमजोर भई किराको आक्रमण बढेको बताउँदै यसको रोकथाम र नियन्त्रणका लागि प्रहरी क्षेत्रमा प्राविधिक खटाइने काम भइसकेको जानकारी दिए ।
जिल्लामा यस पल्ट ६२ हजार ८ सय हेक्टर जग्गामा धान खेती भएको छ । तर, अधिकांश धानखेतीमा गवारो किराकोण्। प्रकोप देखिएपछि चिन्तित बनेका किसानहरुले यसको रोकथाम र नियन्त्रणका लागि अविलम्ब पहल गर्न सम्बन्धीत निकायसँग आग्रह गरेका छन्
