न्यूजमधेश डेस्क
जनकपुरधाम ,२१ भदौ । लकडाउन अबधिमा हत्या, बलात्कार र उत्पीडनको बिरोधमा शनिबार दलित सभा सम्पन्न भएको छ ।
प्रदेश २ भित्र प्रहरी हिर ासतमा ज्यान गुमाएका शम्भु सदा, खानाको अभावमा ज्यान गुमाएका मल्लर सदा ,राजु सदा तथा बिजय राम र निरन्जन रामको परिवारजनको लागि न्याय माग्दै धनुषाको सबैलामा उक्त सभा सम्पन्न भएको हो ।
कार्यक्रममा दलित महिला अधिकारकर्मी हिरा देवी दासले ज्यान गुमाएका सम्पुर्ण दलितहरुलाई सहिद घोषणा, दोषीलाई सजाय र पीडितले न्याय पाउनुपर्ने माग गरेकी थिइन ।
बर्तमान समयमा पनि दलित आफ्नो अधिकारबाट बन्चित भैरहेको, हेपिएको, सामाजिक रुपमा आफ्नो हक अधिकार पाउने माहौल नरहेको भन्दै दलित जनबिद्रोहको आवश्यकता मानवअधिकारकर्मी बिनोद महराले औंल्याए ।
राज्यसत्ता दलित हकअधिकार दिनबाट आनाकानी गरिरहेको अटेरी गरिरहेको तथा दलित घटनाप्रति राज्य असंबेधनशिल रहेको उनले आरोप लगाए ।
सदियौदेखि दलितको मतबाट बिजयपत्र हासिल गरिरहेको जनप्रतिनिधिहरुले जितेपछी दलितलाई नै अपहेलित र अटेरी गरिरहेको तथा दलितले आफ्नो हकहित सहित स्वतन्त्र रुपमा यदि बाँच्ने हो भने सम्पुर्ण दलित एकढिक्का भइ अग्रसर हुनुपर्ने दलित अगुवा सत्रुधन महराले जनाए ।
कार्यक्रममा जिल्लास्तरीय,केन्द्रिय ,नगरस्तरिय जनप्रतिनिधि तथा दलितसंग सरोकार राख्ने आम नागरिक लगायत नगरभरिकै दलितहरुको उपस्थिति रहेको थियो ।
