न्यूजमधेश डेक्स
जनकपुरधाम ,२२ मंसिर । ‘राहत’ योशब्द आफैंमा संवेदनशिल छ । किनभने राहत शब्द भनेको कमजोर व्यक्तिलाई दिने र कमजोर व्यक्तिले पाउने कुरा हो । तर, धनुषाको शहीद नगरपालिकामा राहतकै बिषय लिएर हंगामा भएको छ । एक जना एनजिओले राहत बितरण गर्दा विवाद भएको छ । र, विवाद गाउँदेखि सदरमुकामसम्म आएको छ ।
नाम टिपेर पनि राहत नदिएको भन्दै धनुषाको शहीद नगरपालिकाका दलित समुदायका महिलाहरुले आईतबार जिल्ला प्रशासन कार्यालयमा दिनभर धर्ना दिएका छन् ।नगरपालिकाको वडा नम्बर ७ धबौलीबाट आएका झण्डै २ सय दलित महिलाले जिल्ला प्रशासन कार्यालयमा धर्ना दिएका हुन् । पटक–पटक वडा कार्यालयदेखि नगरपालिका कार्यालयसम्म जाँदा पनि राहत नदिएको उनीहरुको भनाई छ ।
मान्डबीको सहयोगमा यो वडाका बासिन्दाका लागि राहत बितरण गरिएको छ । एउटा बाल्टिनमा दैनिक उपभभोग्य सामानसहित कपडा समेत राहतको रुपमा बितरण गरिएको छ । रु ११ हजार बराबरको उक्त राहत बितरण गर्दा स्थानीयले धनीलाई मात्रै दिएको बताएका छन् ।
शहीद नगरपालिकाका वडा अध्यक्ष मनोज साहले राहत बितरण गर्न आएको एनजिओले नै आफ्नो मनमानी तरिकाले राहत बितरण गरेको बताए । ‘मैले जुन लिस्ट उपलब्ध गराएको छु, त्यो अनुसार राहत बितरण नगरेरै समस्या भएको छ’ शहीद नगरपालिका वडा नम्बर ७ का अध्यक्ष साहल भने, “मैले जुन घरहरुलाई राहत बितरण गर्न भनेको हुँ, ती परिवारमा बितरण भएको छैन् ।”
यो ठाउँमा मान्डबीद्वारा रेन्एिस कार्यक्रम अन्तर्गत राहत बितरण गरिएको छ । तर यहाँका दलित महिलाहरुले धनीलाई मात्रै राहत दिएको भन्दै प्रदर्शन गर्न सदरमुकाम जिल्लासम्म आईपुगेका हुन् ।
‘धनीलाई दुई पटकसम्म राहत दिइसकियो । हामीलाई एक पटक पनि दिइएको छैन’ शहीद नगरपालिका वडा नम्बर ७ धबौली हेबलदेवी खत्बेले भनिन्, “राहत धनीलाई २ पटकसम्म दिइसकियो, तर हामीलाई दिएनन् । पहिलो पटक नँिदा अर्को पटक दिने आश्वासन दिएको र दोस्रो पटक पनि दिइएन् ।”
घरबाटै नागरिकता नम्बर लेखेर लिएर जाँदा पनि आफूहरुलाई बाहिर पठाइएको भन्दै उनीहरुले यसै कारण जिल्ला प्रशासन कार्यालमयधा धर्ना दिइएको बताए ।
यरबारे मेयरलाई भेटदा आफूहरुलाई कुनै अधिकार छैन् भन्दै फर्काएको उनीहरुले बताएका छन् ।धर्ना दिएपछि उनीहरुले मेर बरबरिया मुर्दावाद भन्दै प्रदर्शन समेत गरेका थिए ।
दिभर धर्ना दिएपछि प्रमुख जिल्ला अधिकारी बन्धु प्रसाद बास्तोलाले राहत बितरण गरेको सम्बन्धमा छानबिन गरिने बताए ।
