न्यूजमधेश डेस्क
जनकपुरधाम,१८ माघ । महोत्तरीको भंहा नगरपालिकामा मेयर गोल्ड कपको उद्घाटन खेलमा आर्मी विजय भएको छ । शनिबार भएको पहिलो खेलमा त्रिभुवन आर्मी क्लव विजय भएको हो ।

त्रिभुवन आर्मी फुटवल क्लव र धरान फुटवल क्लव बीच भएको रोमाञ्चक खेलमा पेनाल्टी सुट आउटमा आर्मी ६–५ ले बिजय भएको हो । पेनाल्टीमा आर्मीका तर्फबाट ६ र धरानको तर्फबाट ५ गोल भएको थियो । धरान फुटवल क्लवको फितलो प्रदर्शन रहेको थियो भने खेल अवधी भरी त्रिभुवन आर्मी फुटवल क्लव हाबी रहेको थियो । खेलको म्यान अफ दि म्याच आर्मीका गोलकिपर विवस चौधरी भएका छन् । चौधरीले ५ हजार नगद र टर्फी सहित सम्मान गरिएको छ ।

मेयर गोल्ड कप २०७७ मा राष्ट्रिय स्तरका ८ वटा क्लवहरुको सहभागिता रहेको छ । फुटवल प्रतियोगितामा त्रिभुवन आर्मी क्लव काठमाडोै, धरान फुटवल क्लव, नेपाल एपीएफ क्लव काठमाडौं,सतासीधाम स्पोटिङ्ग क्लव झापा, लेखनाथ युनाईटेड क्लव पोखरा, वेङ्गखाडी यूवा क्लव महोत्तरी, विजय यूथ क्लव हेटौंडा र बागमती युवा क्लव सहभागीता जनाएका छन् ।

भंगाहा नगरपालिकाको आयोजना भएको यस प्रतियोगितामा प्रथम हुनेलाई ५ लाख पुरस्कार र दोस्रो हुनेलाई २ लाख पुरस्कार रहेको छ । आइतबार नेपाल एपीएफ क्लव(काठमाडौं) र सतासीधाम स्पोटिङ्ग क्लव(झापा) बीच हुनेछ ।

भंगहा नगरप्रमुख संजिव साहको अध्यक्षता तथा नेपाल फुटवल संघका केन्द्रिय अध्यक्ष कर्मा छिरिङ् सेर्पाको प्रमुख आतिथ्यमा खेलको उद्घाटन गरिएको हो । उद्घाटन समारोहमा प्रदेश २ का प्रहरी प्रमुख धिरज प्रताप सिंह, प्रदेश २ आर्थिक मामिला तथा योजना मन्त्रालयका सचिव काशीराज दहाल लगायतको उपस्थिति रहेको थियो ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2021 News Madhesh