न्यूजमधेश डेस्क
बुटवल ,२३ माघ । रुपन्देहीको तिलोत्तमामा ९ वटा सहकारी संस्थाहरु एकीकरण ९मर्ज० हुने भएका छन् । नगरपालिकाका ५ वटा वडामा सञ्चालित दुई वटा बहुउद्देश्यीय र ७ वटा बचत तथा ऋण सहकारी संस्था एकीकरण हुन थालेका हुन् ।
विभिन्न प्रकृतिका चार हजार बढी सहकारी रहेका लुम्बिनी प्रदेशमा एकैपटक यति धेरै सहकारी संस्थाहरु मर्ज हुन लागेको यो पहिलो हो ।
एकीकरणपछि बन्ने सहकारीका शेयर सदस्य ४ हजार ९००, शेयर पुँजी ८ करोड ९५ लाख रुपैयाँ, बचत ७२ करोड २१ लाख ६३ हजार रुपैयाँ, जगेडा कोष १२ करोड ३७ लाख र अन्य कोष ९८ लाख ६० हजार रुपैयाँ हुने छ ।
नगरभित्र सञ्चालित स(साना सहकारी संस्थाहरुलाई एकीकरण गरी ठूलो र सुदृढ सहकारी बनाउन तिलोत्तमा(५ स्थित समावेशी कल्याण वचत तथा ऋण सहकारी संस्थाले एक वर्षदेखि पहल गरेको थियो ।
एकीकरण हुनेहरुमा वडा नंं १ को आदर्श बहुउद्देश्यीय र वडा नंं ५ को जन्मभूमि बहुउद्देश्यीय तथा वडा नंं १ को लोक कल्याण, वडा नंं ५ को समावेशी कल्याण, वडा नंं ५ कै स्वीकृति र धरति, वडा नंं ६ को दयालु,वडा नंं ९ को नौकट्टी र वडा नंं १२ को आधारभूत बचत तथा ऋण सहकारी संस्था लि।छन् ।
९ वटै सहकारीबीच आउँदो बैसाखदेखि वचत तथा ऋण सहकारी संस्थाका रुपमा एकीकृत कारोबार सुरु गर्ने गरी समझदारी पत्रमा हस्ताक्षर गरेका छन् ।
एकीकरणपछि सहकारीले आफ्नो कार्यक्षेत्र तिलोत्तमा नगरपालिका, सिद्धार्थनगर नगरपालिका र बुटवल उपमहानगरपालिकासम्म विस्तार गर्ने जनाएको छ ।
एकीकरण अभियानका संयोजक भरत भुसालले आउँदो वैशाख १ गते एकीकृत कारोबार सुरु गर्ने लक्ष्यअनुसार एकीकरण प्रकृया अघि बढेको बताए ।
कार्यदलले सम्पूर्ण प्रकृया पूरा गरी एक महिनाभित्रै एकीकरण कार्यको कानुनी प्रकृया सुरु गर्ने भुसालले बताए ।
एकीकरण गर्दा सबै सहकारीमा कार्यरत कर्मचारीको रोजगारी सुनिश्चित गरिने र साविकका सहकारी संस्थाका कार्यालयलाई सेवा केन्द्रका रुपमा सञ्चालन गरिने सहमति भएको भुसालले बताए ।
भूमि व्यवस्था, कृषि तथा सहकारी मन्त्रालयका सहकारी शाखा प्रमुख ज्ञानहरी पन्थीका अनुसार एकैपटक ९ वटा सहकारीबीच एकीकरण प्रदेशमै पहिलो उदाहरण हो ।
सहकारीहरुबीच एकीकरणलाई सरकारले पनि प्राथमिकता दिएको उल्लेख गर्दै पन्थीले यो एकीकरणले लुम्बिनी प्रदेशमात्र नभइ देशभर सकारात्मक सन्देश दिने बताए ।
लुम्बिनी प्रदेशमा एकीकरण अभियान उत्साहजनक रहेको र प्रदेश स्तरका सहकारी संस्था ६ सय ८० वटा रहेका पन्थीले बताए ।
सहकारी संस्थाको दीगो विकास र सुदृढिकरण, आर्थिक सुशासनका लागि पनि एकीकरण आवश्यक रहेको लुम्बिनी प्रदेश बचत तथा ऋण सहकारी संघका अध्यक्ष कृष्ण नेपाल बताउँछन् ।
एकीकरण अभियानलाई निरन्तरता दिदै संस्थालाई आउँदो पाँच वर्षभित्र प्रदेशकै अग्रणी सहकारी बनाउने लक्ष्य रहेको एकीकरण अभियानका अगुवा रामचन्द्र पाण्डेले बताए ।
लुम्बिनी प्रदेशमा सहकारी शेयर सदस्य संख्या ९ लाख ६७ हजार २२३ छ । यो संख्या नेपालभरका सदस्यहरुको कूल संख्याको १५।३ प्रतिशत हो ।
शेयर लगानी र निक्षेप परिचालनका हिसाबले नेपालको क्रमशः ८।२ प्रतिशत र ८।७ प्रतिशत हिस्सा लुम्बिनी प्रदेशका सहकारीले ओगटेका छन् । ऋण लगानीमा ११।२ प्रतिशत हिस्सा देखिन्छ ।
