न्यूजमधेश डेस्क
काठमाडौं,२४ माघ । मोरङ घर भएकी २२ वर्षीया सपना राजबंशीलाई करिब पाँच केजी गाँजासहित प्रहरीले पक्राउ गरेको छ ।
कागेश्वरी मनोहरा नगरपालिका ८ शिवचोक डेरा गरी बस्ने उनलाई पाँच केजी गाँजासहित प्रहरीले पक्राउ गरेको हो ।
उनको कोठामा लागुऔषध लुकाई राखेको भन्ने खबर प्राप्त हुनासाथ महानगरीय प्रहरी वृत्त बौद्धबाट खटिएको प्रहरीले कोठा तलासी गर्दा उक्त परिमाणको लागुऔषध फेला पारी उनलाई पक्राउ गरेको हो ।
घटनामा संलग्न फरार सिन्धुपाल्चोक मेलम्ची घर भएका २६ वर्षीय ईश्वर आचार्यको प्रहरीले खोजी गरिरहेको छ ।
यसैबीच पर्साको बहुदरमाई नगरपालिका(७ बिश्रामपुर बस्ने ६० वर्षीय मसलिम देवानलाई नौ केजी दुई सय ग्राम लागुऔषध चरेस, तीन थान चरेस बनाउन प्रयोग हुने मेसिन र नौ सय २० ग्राम केमिकलसहित प्रहरीले पक्राउ गरेको छ ।
उनको घरमा लागुऔषध लुकाई राखेको भन्ने सूचनाको आधारमा जिल्ला प्रहरी कार्यालय पर्साबाट खटिएको प्रहरीले घर तलासी गर्दा उक्त लागुऔषध फेला पारी पक्राउ गरेको हो ।
यसैगरी वीरगंज महानगरपालिका(२५ सिर्सियाबाट दुई केजी पाँच सय ग्राम गाँजासहित भारत बिहार जमुईग्राम मोहनपुर बस्ने २० वर्षीय राकेश सिंहलाई प्रहरीले पक्राउ गरेको छ ।
सिमा प्रहरी चौकी छप्कैयाबाट खटिएको प्रहरीले उनलाई उक्त लागुऔषधसहित फेला पारी पक्राउ गरेको हो ।
