न्यूजमधेश डेस्क
विराटनगर ,२६ माघ। एक महिलालाई दुरव्यवहार गरेको आरोमा नेपाल टेलिकमका एक कर्मचारी विराटनगरबाट आइतबार पक्राउ परेका छन् ।
विराटनगर महानगरपालिका वडा नम्वर ५ का ५३ वर्षीय नारायण कटुवाललाई प्रहरीले पक्राउ गरेको हो । उनी टेलिकमको विराटनगर कार्यालयमा कार्यरत सहायक अधिकृत रहेको प्रहरीले जनाएको छ ।
महिलामाथि दुरव्यवहार गरेको घटना सार्वजनिक भएपछि पक्राउ गर्न खटिएको प्रहरी टोलीले कटुवालाई घरैबाट नियन्त्रणमा लिएको हो । घटना अनुसार आफन्तले पठाएको पैसा आईएमईबाट झिकेर महिला आइतबार दिउँसो घरतर्फ फर्कदै थिइन् । त्यही बेला मोटरसाइकलमा रहेका उनले बाटो छेकेर विराटनगरको बरगाछी आसपासमा ति महिलालाई दुरव्यवहार गरेको छन् ।
आफ्नो काममा रहेकी महिलामाथि अश्लिल गालीगलौज गर्दै सार्वजनिक स्थलमा दुरव्यवहार गरेको पाइएपछि कटुवाललाई नियन्त्रणमा लिएर घटनाको अनुसन्धान सुरु गरिएको मोरङ प्रहरी प्रमुख एसपी सन्तोष खड्काले बताए । उनलाई अहिले जिल्ला प्रहरी कार्यालय मोरङको हिरासतमा राखिएको छ ।
पीडित महिलाले साँझ घटना विवरण खुलाएर उजुरी दिएपछि कटुवाललाई पक्राउ गरिएको एसपी खड्काले बताए ।
