न्यूजमधेश डेस्क
काठमाडौं,२९ माघ। जनताले करिब दुई तिहाइ मत दिएर जिताएको नेपाल कम्युनिस्ट पार्टी ९नेकपा० ले यतिबेला तिनै जनतालाई सडकमा उतारेर आफ्नो शक्ति देखाउने होड चलाएको छ । प्रतिनिधिसभा विघटनपछि विभाजित नेकपाको सरकार र आन्दोलनरत पक्ष दुवै समूहले आफ्नो पक्षमा ठूलो जनलहर रहेको देखाउन अनेकन रणनीति अपनाइराखेका छन् ।
उनीहरुले भनिरहेका छन्– देख्यौ तिम्रो भन्दा मेरो सभा कति ठूलो छ ? प्रतिनिधिसभा विघटनको विरोधमा आन्दोलनरत समूहले माघ ९ गते सभा गरेको दिन ओलीले सभा भनेको कस्तो हुन्छ माघ २३ गते देखाउने बताएका थिए । त्यसअनुसार सरकार पक्षले काठमाडौंको नारायणहिटी दरबार क्षेत्रलाई कब्जामा लिएर शक्ति प्रदर्शन गरेको थियो । र, ओलीले त्यहाँ उपस्थित जनताको टाउको देखाएर भनेका थिए– यो काठमाडौंमा भएको इतिहासकै सबैभन्द ठूलो जनसभा हो । उनले त्यहि सभाबाट अब कुन दल ठूलो र आधिकारिक भन्ने अन्यौल हटेको समेत उद्घोष गरेका थिए ।
ओलीले यसो भनेको ५ दिनपछि माघ २८ गते बुधवार नेकपाको आन्दोलनरत पक्षका नेताहरुले जनता कसको पक्षमा छन् त्यो हेर्नका लागि रत्नपार्कमा आउन ओलीलाई निम्ता दिए । वरिष्ठ नेता झलनाथ खनाल र अध्यक्ष पुष्पकमल दाहालले प्रदर्शन कस्तो हुन्छ र जनता कसको पक्षमा छन् । त्यो थाहा पाउन मन भए प्रदर्शनीमार्ग आउन ओलीलाई खुल्ला आह्वान गरे । आफूहरुले गरेको प्रदर्शनमा ५ लाख मानिस सहभागी भएको सूचना आएको भन्दै दाहालले भने, ‘केपीजी देख्नुभयो सभा कस्तो हुन्छ रु देख्नुभयो विरोध कस्तो हुन्छ रु’
ओली र दाहाल दुबैको भाषणले के स्पष्ट पार्छ भने उनीहरु आफूलाई बलियो देखाउँन जनताको भीड जम्मा गर्ने र तिनकै टाउको गनेर आफूलाई शक्तिशाली देखाउने काममा अग्रसर छन् । त्यहि भीडलाई देखाएर उनीहरु एकले अर्कोविरुद्ध विष बमन मात्रै गरिराखेका छैनन् । संवैधानिक निकाय र अदालतलाई समेत चुनौति दिने काम गरिराखेका छन् ।
जनताको टाउको गनेर नेताहरु कुर्लिनु स्वयम जनताको सम्मान हो की अपमान हो रु गाउँ गाउँबाट काम गरिराखेका जनतालाई सडकमा ल्याएर भेला गर्नु कति जायज हो । यस्ता भेला गर्दैमा त्यसैले निर्णय गर्ने जसरी नेताहरु प्रस्तुत हुनु कति स्वाभाविक हो रु विश्लेषक प्रा डा लोकराज बराल भन्छन्– यो नाजायज मात्रै होइन । देशकै लागि घातक पनि हो । भीड जम्मा गर्ने र जनताको टाउको गनेर आफ्नो शक्ति स्थापित गर्न खोज्नु नेताहरुको बेबकुफि भएको उनी बताउँछन् ।
प्रा डा बराल यति ठूलो जनशक्तिलाई कुनै विकास निर्माणमा लगाउने तागत नराख्ने नेताहरु सडक भर्ने काममा भने सक्रिय हुनु दुखःद भएको टिप्पणी गर्छन् । यदि पछिल्लो समय सडकमा उत्रिएका जनतालाई कुनै विकास निर्माणको काममा यति खर्च गरेर लगाएको भए त्यसले ठूलो काम फत्ते गर्ने उनी बताउँछन् ।
जनता र जनशक्तिको नेताहरुले आफ्नो राजनीतिक स्वार्थका लागि दुरुपयोग गरेको वुद्धिजिवीहरुको टिप्पणी छ । मुलुक राजनीतिक रुपमा अप्ठेरो परिस्थितिबाट गुज्रिए पनि जनताको भीड जम्मा गरेर जनतालाई नै दुःख दिने र जनतालाई पटक पटक आफ्ना स्वार्थका लागि प्रयोग गर्ने काम गलत भएको उनीहरु बताउँछन् । शक्ति देखाउँन भीड जम्मा गर्ने, जनताको टाउको गन्ने काम बन्द गर्नुपर्ने उनीहरुको भनाइ छ ।
जन सम्मानको युग आएको बताउने नेताले अब भोटका बेलामा जनभेट गरेपनि नेताबीचको व्यर्थको जुधाई जित्न जनताको टाउको गन्ने आयोजना छोड्नपर्नेमा समाजका प्रबुद्ध व्यक्तिहरुको जोड छ ।
- जनता समाचार
