न्यूजमधेश डेस्क
जनकपुरधाम ,१ फागुन । गल्फ सेवा समाजले एक बृद्धालाई आँखा उपचारमा सहयोग गरेका छन् । संस्थाले महोत्तरी लोहारट्टी नगरपालिका–४ खुट्टा पिपराढीकी ६० वर्षीया बृद्धा अइशा खातुनलाई आँखा उपचारमा सहयोग गरेका छन् ।
संस्थाका अध्यक्ष अजिम राईनले नगद रु १५ हजारको लागतमा खातुनलाई आँखा दख्ने गरी उपचारमा सहयोग गरेको जानकारी दिए । शुक्रबार संस्थाले आइशाको घरमा औषधीको लागि रकमसमेत दिएका छन् ।
आर्थिक स्थिति कमजोर रहेको आइशा उपचार अभावमा संसार देख्न सकेकी थिइन् । तर, संस्थाको सहयोगमा उनले अव संसार देख्न पाउँदा निकै खुशी भएको बताइन् ।
उपचारपछि संसार हेर्न पाएकी उनले ‘संसार देखाइदिएको’ भन्दै संस्था र डाक्टरसहित अस्पतालप्रति अहोभाव व्यक्त गरेकी छिन् । ‘संसार देखाउने संस्था र डाक्टर हाम्रा लागि भगवान हुन्,’ उनले आशिष दिए, ‘मेरो मुहारमा हाँसो ल्याउनेको मुहारमा पनि सधैं हाँसो रहोस् ।’
संस्थाले समाजका अपाङ्ग, दृष्टिविहिन, आकस्मिक दुर्घटना, बिरामी, गरिवको विवाह, र शिक्षाको लागि सक्दो सहयोग गर्दै आएका छन् । संस्थाम करिव चार सय नेपाली युवा आबद्ध छन् । उनीहरुले वैदेशिक रोजगारीमा कमाएको पारिश्रमिकबाट स्वइच्छाले दान गरी समाज सहयोग गर्दै आएका छन् ।
