न्यूजमधेश डेस्क
जनकपुरधाम ,१३ चैत्र। प्रदेश २ का प्रमुख डा.राजेश झा अहिराजले वरिष्ठ पत्रकार तथा साहित्यकार राजेश्वर नेपालीलाई सम्मान गरेका छन् ।
शुक्रबार प्रदेश प्रमुखको कार्यालयमा वरिष्ठ पत्रकार नेपालीलाई प्रदेश प्रमुख डा।अहिराजले दोसल्ला ओढाएर सम्मान गरेका छन् ।
वरिष्ठ पत्रकार नेपाली करिब ६ दशकदेखि नेपालको पत्रकारिता क्षेत्रमा लागेका छन् । उनी १६ वर्षकै उमेरदेखि पत्रकारिता क्षेत्रमा निरन्तर सक्रिय छन् ।
प्रदेश प्रमुख डा।अहिराजले सदाचारी अग्रज पत्रकार नेपालीसँग प्रदेश–२ का समस्या र सम्भावनाबारे सम्बादसमेत भएको जनाइएको छ ।
उनले समाजको चेतना बढाउने कार्यमा वरिष्ठ पत्रकार नेपालीको त्याग अतुलनीय रहेकोले दोसल्ला ओढाएर सम्मानित गरेको जनाएका छन् ।
