शम्भु पण्डित , जनकपुरधाम,असार १५ गते।धनुषा जिल्लाको मुलाबारी माध्यमिक विद्यालय भिमान धारापानीको जग्गा विवादले उग्ररूप लिएको छ । शनिबार विद्यालय बन्द रहेको बेला पशुपति कुमारी लामाले प्रहरी प्रशासनको आडमा विद्यालयको पर्खाल भत्काएर जबर्जस्ती नापी गरेको बिरोधमा विद्यालयमा अध्ययनरत गरिरहेका विद्यार्थीले नारा सहित बिरोध प्रदर्शन गरेकाे छन । हुन त यो विवाद नयाँ नभई २०३३ सालमा जग्गा धनिले विद्यालयसंग एक हजार रुपैयाँ लिएर जग्गाधनी कर्ण बहादुर सङ्बाले विद्यालयलाई बेचेका थिए । पछिल्लो समय उक्त जग्गाको मुल्य बढेपछि २०५६ साल मंसिर १४ गते पुनरावेदन अदालतमा मुद्दा हालेका थिए । उक्त मुद्दा विद्यालयले जितेको थियो । त्यसपछि जग्गाधनीले २०६९ साल असोज २ गते सर्बोच्च अदालतमा मुद्या हालेका थिए । तर सर्बोच्च अदालतले पनि मा.वि.मुलाबारी भिमान धारापानीकै पक्षमा फैसला सुनाएको थियो । अहिले विद्यालय रहेको जग्गामा करोडौंको भौतिक संरचनाहरु बनिसकेको र हाल विद्यालयमा १ हजार ३ सय ४५ बिद्यार्थीहरु अध्ययनरत रहेका छन ।
