कमल कुमार मण्डल
राजविराज, ०५ वैशाख ।धनक यूवा फाउण्डेशनले तेश्रो स्थापना दिवसको अवसरमा शुभकामना तथा सम्मान कार्यक्रम गरि मनाइएको छ ।
सप्तरीको हनुमान नगरकंकालिनीनगरपालिका स्थित शनिवार आयोजना गरिएको कार्यक्रममा विभिन्न क्षेत्रमा योगदान पुर्याएका ७ जनालाई सम्मान गरिएको हो ।
धनक यूवा फाउण्डेशनका प्रवक्ता तथा सोही कार्यक्रमका संयोजक कमल मण्डलको अध्यक्षता तथा वरिष्ठ जेष्ठ नागरिक फुदाई मण्डलको प्रमुख आतिथ्यमा कार्यक्रम अयोजना गरिएको थियो ।
सप्तरीबाट डा. सुभाष मण्डल, डा. अशोक मण्डल, नेपाल पत्रकार महासंघ शाखा सप्तरीका सदस्य कृष्णा कुमार मण्डल, गायक गुरुचरण मण्डल, सञ्चारकर्मी कमल कुमार मण्डल, समाजिक अभियन्ता श्रृजना मण्डल र सिरहाबाट विना मण्डललाई सम्मानपत्र सहित सम्मान गरेका छन् ।
कार्यक्रममा उद्घोषण इन्द्रदेव मण्डलले गरे भने, स्वागत मन्तव्य यूवा नेता अरुण कुमार मण्डलले व्यक्त गरेको थियो ।
