न्यूजमधेश डेस्क
जनकपुरधाम ,९ बैशाख । डा सीके राउत नेतृत्वको जनमत पार्टीको केन्द्रिय समितिको विस्तारित बैठक आज बस्ने भएको छ ।
विहिबार धनुषाको क्षिरेश्वरनाथ नगरपालिका वडा नम्बर १० स्थित जीवन केन्द्र हारसरमा २ र ३ बजेको विचमा बैठक सुरु हुने जनमत पार्टीका राष्ट्रिय उपाध्यक्ष अब्दुल खानले बताएका छन् ।
उपाध्यक्ष खानले बैठकमा निर्वाचित केन्द्रिय सदस्यहरू, जिल्ला इन्चार्ज तथा सह इन्चार्ज, पार्टीका भातृ संगठनका प्रमुखहरुको उपस्थिती रहने उनले भने ।
लगभग सबै जिल्लाका प्रतिनीधिहरु बैठकमा सहभागी हुनको लागि जीवन केन्द्र आइपुगेका छन् । भने केहि जिल्लाका प्रतिनिधिहरु आउने क्रम जारी रहेको छ । सबै प्रतिनिधिहरु बैठक स्थलमा पुगेपछि बैठक सुरु हुने पार्टीले जानकारी दिएका छन् ।
आज बैशाख ९ गते सुरु हुने बैठक भोलि १० गते बेलुका सम्म चल्ने भएका हुन् ।बैठकको लागि सम्पूर्ण तयारी भैसकेको छ ।
