न्यूजमधेश डेस्क
जनकपुरधाम ,९ बैशाख ।डा सीके राउत नेतृत्वको जनमत पार्टीको गत चैत्र २८ गते जनकपुरधाममा सम्पन्न महाधिवेशनबाट नवनिर्वाचित केन्द्रीय कार्यसमितिको सपतग्रहण कार्यक्रम सम्पन्न भएको छ।
आजबाट सुरु भएको जनमत पार्टीका केन्द्रिय कार्यसमितिको बैठकमा महाधिवेशनबाट नवनिर्वाचित पदाधिकारीहरुलाई आज वरिष्ठ नेतृत्व मण्डलका केन्द्रिय संयोजक अशोक सिंहले सपतग्रहण गराएको पार्टीका राष्ट्रिय उपाध्यक्ष अब्दुल खानले बताए।
उनले भने, पार्टीका संसोधित विधानमा सम्पुर्ण पदाधिकारीहरुले हस्तान्तरण गरेपछी पार्टीका राष्ट्रिय अध्यक्ष डा सीके राउतले कार्यक्रमको एजेन्डाहरु प्रस्तुत गरेको थिए।
केन्द्रिय कार्यसमितिको काम कर्तव्य र अधिकारको बारेमा उपाध्यक्ष अब्दुल खान जानकारी गराउनु भएको हो ।
उक्त बैठकमा पार्टीका जिल्ला जनप्रतिनिधिहरुले सल्लाह ,सुझाव र प्रतिक्रिया समेत संकलन गरेको उपाध्यक्ष खानले बताए।
सो बैठक संचालन पार्टीका महासचिव चन्दन सिंहले गरेको थियो।धनुषाको क्षिरेश्वरनाथ नगरपालिका वडा नम्बर १० स्थित जीवन केन्द्रमा बसेको बैठक भोलि शुक्रबार दिउँसो ३ बजे सम्म चलने भएको छ।
