न्यूजमधेश डेस्क
जनकपुरधाम,१४ बैशाख ।गल्फ सेवा समाज संस्था दोहा कतारले एक जना परालाइसिस पीडितलाई आर्थिक सहयोग गरेका छ्न।
धनुषाको जनकनन्दनी गाउँपालिका २ बल्हागोठका परालाइसिस रोगबाट पीडित हसन मन्सुरीलाई गल्फ सेवा समाजले १५ हजार आर्थिक सहयोग गरेको छ ।
मंगलबारको पीडित मन्सुरीकै घर पुगेर समाजका प्रतिनिधि सहन्सा मन्सुरी र अमरुल्लह राईनले रकम हस्तान्तरण गरेको छ।
समाजका प्रतिनिधि सहन्सा मन्सुरीका अनुसार परालाइसीस पीडित हसन मन्सुरीलाई आर्थिक अवस्था कमजोरका कारण उनलाई उपचार गराउन समस्या परेपछि गल्फ सेवा समाजलाई जानकारी गराएको थियो।
समाजलाई जानकारी भए लगतै उनिहरु आर्थिक संकलनमा जुटेका थिए।गल्फ सेवा समाज वैदेशिक रोजगारमा गएका युवाहरुको संगठन हो ।
यो संगठनले आर्थिक अवस्था कमजोर भएका परिवारलाई आर्थिक सहयोग गर्दै आइरहेको छ ।
