न्यूजमधेश डेस्क
जनाकपुरधाम,२५ बैशाख । प्रदेश २ का धनुषा जिल्लामा एक स्थानीय तहका मेयरले आफुले चढने सरकारी गाडीलाई कोरोना संक्रमितलाई अस्पताल पुर्याउने र घर छाड्ने घोषणा गरेको छ ।
जिल्लाको पूर्वी क्षेत्रमा पर्ने शहिदनगर नगरपालिकाका मेयर उदय बरबरिया यादवले आफु चढ्ने गरेको सरकारी गाडी एम्बुलेन्सको रुपमा प्रयोग गर्ने घोषणा गरेका हुन् ।
कोरोना संक्रमितलाई अस्पताल पुर्याउन एम्बुलेन्स नभेटिरहेको अबस्थामा मेयर बरबरियाले यस्तो घोषणा गरेका हुन् । उनले शनिबार एक विज्ञप्ती जारी गरेर संक्रमितलाई अस्पताल पुर्याउन आफू चढ्ने गाडी दिने बताएको छ ।
जनताको सुरक्षालाई सर्वोपरी मानेर एम्बुलेन्सको रुपमा आफ्नो गाडी संक्रमितका लागि प्रयोग गर्नदिने र आफू नीजि सवारी चढ्ने मेयर बरबरियाले बताए ।
उनले एम्बुलेन्सको आवश्यकता परेमा जतिबेला पनि सम्पर्क गर्न नगरवासीसंग अनुरोध पनि गरेका छन् ।
भारतसंग सिमा जोडिएका ग्रामिण क्षेत्रमा कोरोना संक्रमितको संख्या बढिरहेको विज्ञप्तिमा उल्लेख गरेका हुन् ।
मेयर बरबरियाले आफु चढ्ने गारी कोरोना संक्रमित जनतालाई बोक्ने घोषणा गरेपछि चौतर्फी प्रशंशा हुन थालेको छ ।
