संजय मिश्रा
रौतहट,५ जेष्ठ ।प्रदेश २ का बाराको सदरमुकाम कलैयामा दुईजना बालकको घाँटी रेटेर हत्या गरिएको छ । कलैया उपमहानगरपालिका वडा नम्बर ७ रंगपुर निवासी गफार मियांका छोराहरु को घाँटी रेटेर हत्या गरिएको हो ।
धारिलो हतियारले घाँटी रेटेर हत्या भएको अवस्थामा गफारका छोराहरु ९ बर्षका उसमान अन्सारी र ७ बर्षका अमिन अन्सारीको शव मंगलबार बिहान सोही ठाउँमा निर्माणाधीन मादरसाको कोठाभित्र बरामद भएको जिल्ला प्रहरी प्रवक्ता डिएसपी गौतम मिश्राले बताएका छन । आईतबार साझ ८ बजे घर बाट बाहिर खेल्न गएका दुबैजना बालक सोही समयदेखि बेपत्ता थिए ।
गफार मियांका दुबैजना छोराको शव हेरेर मंगलबार बिहान स्थानीय ले प्रहरी लाई खबर गरेका थिए । घटनास्थल पुगेका डिएसपी गौतम मिश्राले घटना प्रकृर्ती हेर्दा कुनै पुर्वाग्रहको कारण कसैले धारिलो हतियारले दुबै बालकको घाँटी रेटेर हत्या गरेको हुनसक्ने अनुमान गरेका छन् ।
घटनाको थप अनुसंधानको लागि प्रशिक्षित कुकुर आईरहेको र घटना बारे थप अनुसंधान पछिमात्र केही भन्न सकिने डिएसपी गौतमले जानकारी दिएका छन् ।
